នៅថ្ងៃទី 03 ខែមីនា ឆ្នាំ2019 វេលាម៉ោង 12:15នាទីរំលងអធ្រាត្រ ស្ថិតនៅចំណុចផ្ទះលេខ373 ក្រុមទី 21 ភូមិចំការសំរោង1 សង្កាត់ចំការសំរោង ក្រុងបាត់ដំបង មានករណីអគ្គិភ័យកើតឡើង 01 លើក៖ បណ្តាលឲ្យឆេះផ្ទះ02ខ្នង និងឃ្លាំងស្តុកគ្រឿងបន្លាស់រថយន្ត01 ខ្នង ធ្វើអំពីដែក ដំបូលប្រក់ស័ង្កសី ផ្ទះធ្វើអំពីឈើ ដំបូលប្រក់ក្បឿង មួយខ្នងទៀតធ្វើពីដែក ដំបូលប្រក់ស័ង្កសី ម្ចាស់ឈ្មោះ ឈឹម សុធា ហៅសាវលិញ ភេទប្រុស អាយុ 40 ឆ្នាំ មានមុខរបរជាជាងជុសជុលរថយន្ត រស់នៅភូមិ សង្កាត់ កើតហេតុខាងលើ។
-ឆេះផ្ទះ 02ខ្នង ទំហំ 9m×10m និង 6mx16m
-ឆេះឃ្លាំងស្តុកគ្រឿង ទំហំ 14mx30m
-និងសម្ភារក្នុងផ្ទះមួយចំនួនទៀត។
-ពុំមានគ្រោះថ្នាក់ដល់មនុស្សទេ។
-មូលហេតុៈ កំពុងស្រាវជ្រាវបន្ត។
- បានចេញរថយន្តពន្លត់អគ្គិភ័យចំនួន 03គ្រឿង និងប្រើប្រាស់ទឹកអស់ចំនួន 10ឡាន ។
-កិច្ចប្រតិបត្តិការណ៍នេះ បានបញ្ចប់នៅវេលាម៉ោង03:15នាទីរំលងអធ្រាត្រ។
