-កាលពីរសៀលអាទិត្យ ១រោច ខែមាឃឆ្នាំកុរឯកស័ក ព.ស.២៥៦៣ ត្រូវនឹងថ្ងៃទី ៩ ខែកុម្ភៈ ឆ្នាំ២០២០ អនុវត្តតាមបទបញ្ជារបស់ឯកឧត្ត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាមតិដឹកនាំរបស់លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌ នាវេលាម៉ោង ១៥និង៤៥នាទី នៅចំណុចភូមិច្រាបក្រសាំង សង្កាត់ វត្តគរ ក្រុងបាត់ដំបង ខេត្តបាត់ដំបង ក្រុមអន្តរាគមន៍ បង្ការ បង្ក្រាបនៃស្នងការដ្ឋាននគរបាលខេត្តបាត់ដំបង ដែលមានលោកវរសេនីយ៍ទោ ឈឿង គឹមសុង ជាអ្នកដឹកនាំបានចុះប្រតិបត្តិការបង្ក្រាបករណី ល្បែងស៊ីសង ( ភ្នាល់ជល់មាន់ដាក់ប្រាក់) មួយកន្លែងនិងនាំខ្លួនអ្នកប្រព្រឹត្ត ចំនួន ០៦នាក់ ។
-វត្ថុតាងដកហូតរួមមាន ៖
- ម៉ូតូចំនួន ២២ គ្រឿង
- សង្វៀនជល់មាន់ចំនួន ០២
- មាន់ជល់ចំនួន ០៣ក្បាល
- ជញ្ជីងសម្រាប់ថ្លឹងមាន់ជល់ ចំនួន ០១
- ឆ្នាំងដាំទឹកសម្រាប់ស្អំមាន់ ចំនួន ០១
- ប្រាក់ខ្មែរ ចំនួន ១៥ ម៉ឺនរៀល
បច្ចុប្បន្នការិយាល័យជំនាញកំពុងតែធ្វើការសាកសួរអ្នកប្រព្រឹត្តិដេីម្បីអនុវត្តតាមនីតិវិធី។
