ខេត្តកែប : បច្ចុប្បន្ននេះមានមហាជនជាច្រើនកំពុងតែឆ្ងល់ថា តើហេតុអ្វី?បានជាលោកកែន សត្ថា អភិបាលខេត្តកែប និងលោកបែន តារា ស្នងការខេត្តកែប មិនហ៊ានបង្ក្រាបសង្វៀនជល់មាន់ អាប៉ោង និងយូគី ដែលមានទីតាំងចំណុចចំការស្វាយជាប់ផ្លូវរទេះភ្លើង ស្ថិតក្នុងភូមិចំការដូង ឃុំ.ស្រុកដំណាក់ចង្អើ ខេត្តកែប មួយនេះសោះតើមានមូលហេតុអ្វី???ហើយនៅបច្ចុប្បន្ននេះកំពុងបើកលេងយ៉ាងរលូន។
បើយោងតាមប្រភពបានរាយការណ៍ឲ្យដឹងថា ក្នុងមួយថ្ងៃៗបើនិយាយពីម៉ូតូដែលអ្នកញៀនល្បែងចូលទៅលេងមិនក្រោម៣០០.ទៅ៣៥០ គ្រឿង ហើយបើរថយន្ដវិញមិនក្រោម៨០គ្រឿងនោះទេហើយតែរថយន្ដស៊េរីទំនើប។
ហើយពលរដ្ឋដែលរស់នៅជិតទីកន្លែងសង្វៀនជល់មាន់ អាប៉ោង និងយូគីនោះបានឲ្យដឹងថា រាល់ថ្ងៃមានអ្នកញៀនល្បែងរាប់រយនាក់ជិះម៉ូតូ រថយន្ដ ចូលទៅលេងសប្បាយហ៊ោកញ្ជ្រៀវលាន់រំពង(អ្នកឈ្នះមុខខ្លាញ់ អ្នកចាញ់មុខសេះ)។
ហើយពលរដ្ឋបានបន្តទៀតថា ម្ចាស់បនល្បែងខាងលើមួយនេះជាអ្នកមានអំណាចនៅក្នុងខេត្តកែប អញ្ចឹងហើយបានជាខាងអាជ្ញាធរ សមត្តកិច្ចជំនាញខេត្តកែបមិនចុះបង្ក្រាប។
សូមបញ្ចាក់ថា ក្នុងការភ្នាល់មាន់ជល់ អាប៉ោង និងយូគីចាញ់ឈ្នះលុយរាប់រយ រាប់ពាន់ រាប់មឺុនដុល្លាឯណោះ។
ដូច្នេះពលរដ្ឋក៍ដូចជាមហាជន សូមអំពាវនាវនិងស្នើសុំដល់ សម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ និងឯកឧត្ដម នេត សាវឿន អគ្គស្នងការនគរបាលជាតិ មេត្តាមើលមន្ត្រីអាជ្ញាធរសមត្ថកិច្ចខេត្តកែបផង មូលហេតុអ្វីបានជាមិនហ៊ានបង្ក្រាបល្បែងសុីសងមួយខាងលើនេះ។
