បាត់ដំបង ៖ នៅរសៀលថ្ងៃទី ០១ ខែ តុលា ឆ្នាំ ២០២១ លោកវរសេនីយ៍ឯក ឈឿង គឹមសុង រួមនឹង លោក វ៉ាន់ វឌ្ឍនា ជាអាជីវករ ; លោក លឿង គឹមថូវ ជាអាជីវករ ; លោក ហ៊ួ កុយ ជាអាជីវករ បាននាំយកនូវអំណោយ រួមមាន អង្ករចំនួន ១០០ គីឡូក្រាម ; ទឹកដោះគោឆៅ ចំនួន ០៩ យួរ ; នឹងថវិកាចំនួន ១,១០០,០០០ រៀល ( មួយលានដប់ម៉ឺនរៀល ) ជូនដល់លោកតា ម៉ារី សុន ហៅ លោកតា សង សុីស ដែលមានជំងឺលើសឈាមយ៉ាងធ្ងន់ធ្ងរ ដែលកំពុងសម្រាកនៅផ្ទះ ស្ថិតនៅក្នុងភូមិប៉ោយស្វាយ ឃុំតាគ្រាម ស្រុកបាណន់ ខេត្តបាត់ដំបង ។
លោកវរសេនីយ៍ឯក ឈឿង គឹមសុង រួមនឹងមិត្តភ័ក្ដិបានផ្តាំផ្ញើដល់ លោកតា សង់ស៊ីស ឲ្យថែទាំសុខភាពអោយបានល្អនឹងឆាប់ជាសះស្បើយពីជម្ងឺ នឹងជៀសឲ្យផុតពីជម្ងឺ កូវីដ ១៩ ។
ជាមួយគ្នានេះដែរ លោកតា សង់ សុីស នឹង ភរិយាព្រមទាំងកូន បានសម្តែងការអរគុណ ដល់លោក វរសេនីយ៍ឯក ឈឿង គឹមសុង រួមនឹងមិត្តភ័ក្ដិ ដែលបានយកចិត្តទុកដាក់ទៅលេីលោកតា នឹងជូនពរឱ្យជួបតែពរ ទាំង៤ ប្រការ គឺ អាយុ វណ្ណៈ សុខៈ ពលៈ កុំបី ឃ្លៀងឃ្លាតឡើយ ។
យើងចូលរួមសាងអំពើល្អ ដោយក្តីស្រឡាញ់ ឈាមជ័រជាខ្មែរ ត្រូវជួយខ្មែរគ្មានការរអើង។
