ខេត្តបាត់ដំបង៖ តាមប្រភពព័ត៌មានបានឲ្យដឹងថា ទីតាំងបនល្បែងជាច្រើនកន្លែង ដែលលេងតាមប្រព័ន្ធអនឡាញនេះ គឺបានបើកដំណើរការជាយូរមកហើយ ពុំឃើញមានអាជ្ញាធរឬសមត្ថកិច្ចពាក់ព័ន្ធណាចុះបង្ក្រាបនិង ហាមឃាត់ឡើយ ហើយប្រហែលជាម្ចាស់បនល្បែងស៊ីសងជាច្រើននេះ មិនខ្លាចញញើតហ្នឹងច្បាប់ទេដឹង ទើបបានជាហ៊ានបើកបនល្បែង ស៊ីសង យ៉ាងរំភើយដូច្នេះ ស្ថិតនៅម្ដុំឃុំនរា រង្វង់មូលព្រាបស ក្នុងស្រុកសង្កែ ខេត្តបាត់ដំបង។
ប្រជាពលជាច្រើនមានការព្រួយបារម្មណ៍ចំពោះល្បែងស៊ីសងជល់មាន់តាមអនឡាញ ដោយបង្កនៅបទល្មើសជាច្រើន ដូចជា អំពើហឹង្សាក្នុងគ្រួសារ លួច ឆក់ ប្លន់ នឹងបទល្មើសផ្សេងៗទៀត។
គួររំលឹកថា កន្លងមក សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទអោយមន្ត្រីនគរបាលពាក់ព័ន្ធ ទូទាំងប្រទេស ត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោកយល់ឡើយ ដើម្បីធានាសុខសុវត្ថិភាពជួនប្រជាពលរដ្ឋ អោយស្របតាមគោល នយោបាយ ភូមិ ឃុំ មានសុវត្ថិភាពទាំង7ចំណុច របស់រាជរដ្ឋាភិបាលដែលដាក់ចេញដោយក្រសួងមហាផ្ទៃ។
ហេតុនេះប្រជាពលរដ្ឋសំណូមពរដល់អាជ្ញាធរពាក់ពន្ធមេត្តាមានវិធានការបង្ក្រាបនៅល្បែងស៊ីសងជល់មាន់តាមអនឡាញទាំងនេះផង ពលរដ្ឋមានសង្ឃឹមជឿជាក់លើកឧត្តមសេនីយ៍ទោ សាត គឹមសាន ស្នងការនគរបាលខេត្ត ជាពិសេសឯកឧត្តម សុខ លូ អភិបាល នៃអភិបាលខេត្តបាត់ដំបងលោកតែងតែដោះស្រាយគ្រប់បញ្ហាជូនដល់ពលរដ្ឋព្រោះល្បែងស៊ីសងជល់មាន់តាមអនឡាញកំពុងរីកដុះដាលនៅស្រុកសង្កែខ្លាំងណាស់។
