ខេត្តសៀមរាប ៖ ប្រភពពលរដ្ឋរស់នៅក្នុងក្រុងសៀមរាបបានបង្ហើបអោយដឹងថា -លោក ដា ចំរើន អធិការក្រុងសៀមរាបហាក់បីដូចជាមិនយកចិត្តទុកដាក់ក្នុងការបង្ក្រាបការបណ្ដោយឲ្យមានការបើកលេងយ៉ាងអនាធិបតេយ្យដូចជាល្បែង ជល់មាន់អនឡាញ ឆ្នោ អិនធីណេត។
ហើយពលរដ្ឋបំន្ថែមទៀតថា៖លោក ដា ចំរើន អធិការក្រុងគួរតែបញ្ចេញសកម្មភាពរបស់ខ្លួនដឹកនាំកម្លាំងក្រោមឱវាទចុះបង្ក្រាបទីតាំងល្បែងសុីសងនៅក្នុងក្រុងនេះផងកុំនៅតែសំងំស្ងៀម ជៀសវាងបងប្អូនប្រជាពលរដ្ឋនៅក្នុងមូលដ្ឋានដាក់ការសង្ស័យថា៖លោកមេអធិការក្រុងទទួលបានសំណែនរឺមានការឃុបឃិតគ្នានិងបើកភ្លើងខៀវជាប្រព័ន្ធដើម្បីបង្កើតបទល្មើសក្នុងមូលដ្ឋានដើម្បីទទួលបានលាភសក្ការៈទើបមិនមានការចុះបង្ក្រាបណាមួយបានទាល់តែសោះ។
ពលរដ្ឋក្នុងមូលដ្ឋានក៏ដូចជាមហាជនសង្ឃឹមថា៖លោក តេង ច័ន្ទណាត ស្នងការខេត្តសៀមរាបគួរតែយកចិត្តទុកដាក់ក្នុងការចង្អុលបង្ហាញដល់មន្ត្រីក្រោមឱវាទរបស់ខ្លួនដើម្បីចុះស្រាវជ្រាវនិងធ្វើការបង្ក្រាបផង ដើម្បី រក្សាសន្តិសុខសុវត្ថិភាពជូនបងប្អូនប្រជាពលរដ្ឋនៅក្នុងមូលដ្ឋាននិងគោរពតាមគោលនយោបាយភូមិ/ឃុំ/រឺស្រុកមានសុវត្ថភាពទាំង៧ ចំណុចឲ្យមានប្រសិទ្ធភាពខ្ពស់និងរួមចំណែកបញ្ជៀសករណីអំពើចោរកម្មផ្សេងៗដូចជា៖លួច-ឆក់-ប្លន់-គាស់ផ្ទះនិងជាពិសេសអំពើហិង្សាក្នុងគ្រួសារដោយផ្ដើមចេញពីល្បែងទាំងនេះព្រោះថាល្បែងជាដើមចមនេះការបង្ករបង្កើតបទល្មើស៕
