ខេត្តកោះកុង៖ នៅព្រឹកថ្ងៃទី៤ ខែមេសា ឆ្នាំ២០២៣ បានអញ្ជើញចែក និងប្រគល់វិញ្ញាបនបត្រសម្គាល់ម្ចាស់អចលនវត្ថុចំនួន២.៥៤៤បណ្ណជូនប្រជាពលរដ្ឋរស់នៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ដើម្បីយកទុកប្រើប្រាស់តម្រូវការ។
លោកជំទាវអភិបាលខេត្ត បានចាត់ទុកថា ការប្រគល់បណ្ណកម្មសិទ្ធិកាប់កាន់អចលនវត្ថុនៅពេលនេះ ជាប្រវត្តិសាស្រ្តមួយសម្រាប់ពលរដ្ឋក្នុងសង្កាត់ស្មាច់មានជ័យ ក្រោយរាជរដ្ឋាភិបាលកាត់ឆ្វៀលដីពីតំបន់ការពារអភិរក្សចេញ។
ជាចុងក្រោយ លោកជំទាវ មិថុនា ភូថង បានណែនាំដល់ប្រជាពលរដ្ឋ ត្រូវថែរក្សាបណ្ណសម្គាល់អចលនវត្ថុឱ្យបានល្អត្រឹមត្រូវ ចៀសវាងដាច់រហែកនាំខាតបង់។ ហើយជឿជាក់ថា ពលរដ្ឋនឹងរស់នៅប្រកបដោយទំនុកចិត្តខ្ពស់លើដីធ្លីដែលកំពុងអាស្រ័យផល។
