ខេត្តបាត់ដំបង៖ តាមសេចក្ដីរាយការណ៍ពីពលរដ្ឋដែលឆ្លងកាត់ទីនោះបានបង្ហើបប្រាប់ថាមានការដ្ឋានសាងសង់សំណង់រឹងមាំមួយកន្លែងស្ថិតនៅរបមាត់ស្ទឹងសង្កែក្នុងឃុំវត្តគរក្រុងបាត់ដំបង ខេត្តបាត់ដំបងបានសាងសង់សំណង់រឹងមាំធ្វើអោយប៉ះពាល់ដល់ស្ទឹងសង្កែនឹងពុំទាន់មានច្បាប់អនុញ្ញាត្ត។
តាមលោកជា វណ្ណា ជាម្ចាស់កាដ្ឋានការសាងសង់នោះបានអោយគេហទំព័រមេគង្គខ្មែរដឹងថា ដីដែលលោកសាងសង់សំណង់នោះគឺមានច្បាប់ត្រឹមត្រួវហើយ លោកហ៊ានធ្វើគឺហ៊ានទទួលខុសត្រួវ ។
ករណីការសាងសង់សំណង់រឹងមាំនេះដែល លោក សុខ ឈឿក ចៅសង្កាត់វត្តគរបានមានប្រសាសន៍តាមទូរស័ព្ទថា លោកពុំដឹងនោះទេ ហើយគ្មានច្បាប់ឯណាហ៊ានចេញអោយសាងសង់សំណង់រឹងនោះដែរ ព្រោះដីទីនោះប៉ះពាល់នឹងចំណីស្ទឹង ហើយម្យ៉ាងទៀតអាជ្ញាធរក្រុងដឹកនាំកម្លាំងចូលរួមដោយជំទប់ទី1 សង្កាត់ ចុះត្រួតពិនិត្យរួចរាល់អស់ហើយ ។
ពាក់ពន្ធនឹងកាដ្ឋានសាងសង់សំណង់រឹងមាំនេះដែលលោក លាង វាសនា អភិបាល នៃគណៈអភិបាលក្រុងបាត់ដំបង នៅថ្ងៃទី24ខែ
ឧសភាឆ្នាំ2023 នេះថាលោកនឹងចេញលិខិតចុះទប់ស្កាត់ហើយមិនអោយសាងសង់បន្ដទៀតទេ។
ចំណែកមន្ត្រីនៅសាលាក្រុងម្នាក់បានបង្ហើបប្រាប់ថាលោកយកលិខិតមួយច្បាប់ទៅអោយសង្កាត់នោះហើយដើម្បីអោយជួយទប់ស្កាត់ការសាងសង់សំណងរឹងនោះ។
ទោះជាយ៉ាងណាក្ដីពលរដ្ឋស្នើសុំដល់ ឯកឧត្តម សុខ លូ អភិបាល នៃគណៈអភិបាលខេត្ត មេត្តាជួយដាក់កម្លាំងជំនាញចុះពិនិត្យផងទាន។ដើម្បីជួយទប់ស្កាត់នៅការសាងសង់សំណង់រឹងតាមមាត់ស្ទឹងសង្កែរីករាលដាលជាបន្ដៗនោះ។
