ភ្នំពេញ ៖ ប្រភពបានអះអាងមកថា៖ មានបនល្បែងសុីសង{ភ្នាល់ចាក់បាល់ និងបៀការ៉ាត់តាមប្រព័ន្ធអនឡាញ}ខុសច្បាប់និងល្បែងផ្សេងៗទៀត ជាច្រើនកន្លែងស្ថិតនៅ ផ្លូវហាយធិចក្នុងភូមិព្រះពន្លា សង្កាត់ព្រែកប្រាខ័ណ្ឌច្បារអំពៅ រាជធានីភ្នំពេញ បានធ្វើសកម្មភាពបើកលេងទាំងយប់ទាំងថ្ងៃយ៉ាងគគ្រឹកគគ្រេង រីឯអាជ្ញាធរនិងសមត្ថកិច្ចក្នុងមូលដ្ឋាន មិនមានវិធានការទប់ស្កាត់ និងបង្ក្រាបឡើយ! ហ៊ានផ្គើននិងបទបញ្ជាស្តីពីការទប់ស្កាត់ដឹងបង្ក្រាបល្បែងស៊ីសងគ្រប់ប្រភេទ របស់ សម្តេចតេជោ ហ៊ុនសែន ។
បើតាមសេចក្តីរាយការណ៍ឲ្យដឹងថា៖ ទីតាំងបនល្បែងស៊ីសងប្រភេទកាស៊ីណូខុសច្បាប់គ្រប់ប្រភេទ ក្នុងមូលដ្ឋានខាងលើ អ្នកញៀនល្បែងនាំគ្នាចេញចូលលេងយ៉ាងអនាធិបតេយ្យ ប៉ុន្តែអាជ្ញាធរនិងសមត្ថកិច្ចពាក់ព័ន្ឋនៅក្នុងមូលដ្ឋាន បានរក្សាភាពស្ងៀមស្ងាត់ មិនហ៊ានបង្ក្រាប! សង្ស័យជាឆ្នាំងបាយរបស់លោក អាជ្ញាធរនិងសមត្ថកិច្ចក្នុងមូលដ្ឋាន ហើយមើលទៅ។
បញ្ហានេះប្រជាពលរដ្ឋធ្លាប់លើកឡើងជារើយៗ កំពុងធ្វើឲ្យពួកគាត់ព្រួយបារម្ភជាខ្លាំង អំពីសុវត្ថិភាពគ្រួសារ កើតមានអសន្តិសុខ កើតនូវ អំពើហឹង្សា ណាមួយទៀត ខ្លាចបញ្ហាអំពើចោរកម្ម និងបទល្មើសផ្សេងទៀត ដូចជា លួច ឆក់ ប្លន់ គាស់ផ្ទះសម្បែងជាពិសេសធ្វើអោយកូនៗរបស់ពួកគាត់ពុំចូលសាលាទៀតផង។
ដូច្នេះហើយប្រជាពលរដ្ឋ និងមហាជនទូទៅ សូមស្នើយ៉ាងទទូចទៅដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងលោក ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ សូមជួយចាត់កូនចៅក្រោមឱវាទចុះត្រួតពិនិត្យ និងមានវិធានការទប់ស្កាត់ បង្ក្រាប! ទីតាំងបនល្បែងសុីសងខុសច្បាប់គ្រប់ប្រភេទ នៅក្នុងមូលដ្ឋានខ័ណ្ឌច្បារអំពៅនេះផង។
សូមរំលឹកថា៖ កាលនៅថ្ងៃទី១៧ ខែកញ្ញា ឆ៦២០២២ – បានកន្លងផុតទៅថ្មីៗនេះ សម្តេចតេជោ ហ៊ុនសែន បានដាក់បទបញ្ជាឲ្យគណ:អភិបាលរាជធានី ទាំង២៥ ខេត្ត ក្រុង ដែលតម្រូវឲ្យបង្រ្កាប!ទីតាំងបនល្បែងស៊ីសងខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង
សម្តេចតេជោ ហ៊ុនសែន បានបញ្ជាក់យ៉ាងដាច់ណាត់ទៀតថា: អាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការទប់ស្កាត់ និងបង្ក្រាប!ទីតាំងបទល្មើសបនល្បែងស៊ីសងខុសច្បាប់នៅក្នុងមូលដ្ឋានរបស់ខ្លួនទេ!អាជ្ញាធរនិងសមត្ថកិច្ចមូលដ្ឋានទាំងនោះនិងមានបញ្ហាប្រឈមនិងបាត់បង់ពីតំណែងទៀតផង៕
