ខេត្តបន្ទាយមានជ័យ ៖ មានសេចក្ដីរាយការណ៍មកថា៖ ទីតាំងល្បែងស៊ីសងជល់មាន់តាមប្រព័ន្ធអនឡាញ កំពុងពេញនិយមក្នុងក្រុងប៉ោយប៉ែតពិតជាដូចជាពាក្យពលរដ្ឋក្នុងមូលដ្ឋានលើកឡើងពិតប្រាកដមែនខណៈដែលលោក សៅ សារឿន អធិការក្រុងប៉ោយប៉ែតបានរក្សាភាពស្ងៀមស្ងាត់។
ដោយមានទីតាំង1កន្លែងកំពុងបើកដំណើរការយ៉ាងសកម្ម ស្ថិតក្នុងភូមិផ្សារកណ្ដាល ក្រុងប៉ោយប៉ែតខេត្តបន្ទាយមានជ័យ កំពុងតែបើកដំណើរការទីតាំងរបស់ខ្លួនយ៉ាងសកម្មនៅក្នុងមូលដ្ឋានក្រុងប៉ោយប៉ែតសមត្ថកិច្ចពាក់ព័ន្ធក្នុងមូលដ្ឋានមិនបង្ក្រាប ឬមួយខ្លាចអំណាចម្ចាស់ទីតាំងល្បែង ។
សូមរំលឹកថា៖ កាលនៅថ្ងៃទី១៧ ខែកញ្ញា ឆ្នាំ២០២២ បានកន្លងផុតទៅថ្មីៗនេះ អតីតនាយករដ្ឋមន្ត្រី សម្តេចតេជោ ហ៊ុនសែន បានដាក់បទបញ្ជាឲ្យគណៈអភិបាលរាជធានី ទាំង២៥ ខេត្ត ក្រុង ដែលតម្រូវឲ្យបង្រ្កាប! ទីតាំងបនល្បែងស៊ីសងខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។
សម្តេចតេជោ ហ៊ុនសែន បានបញ្ជាក់យ៉ាងដាច់ណាត់ទៀតថា៖ បើអាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការទប់ស្កាត់ និងបង្ក្រាប! ទីតាំងល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួនទេ! អាជ្ញាធរនិងសមត្ថកិច្ចទាំងនោះនិងមានបញ្ហាប្រឈមនិងបាត់បង់ពីតំណែងទៀតផង។
សូមបញ្ជាក់ថា៖ អតីតនាយករដ្ឋមន្ត្រី សម្ដេចតេជោ ហ៊ុន សែន បានដាក់ពាក្យស្លោកថា អ្នកសារព័ត៌មាន ត្រូវតែផ្សាយព័ត៌មានពិត មិនត្រូវផ្សាយព័ត៌មានក្លែងក្លាយ ឬញុះញុង បំពុលសង្គម ផ្សាយតែព័ត៌មានណាដែលពិត។
អាស្រ័យហេតុដូចនេះពលរដ្ឋក្នុងមូលដ្ឋានក្រុងប៉ោយប៉ែត សូមស្នើសុំ ឯកឧត្តម អ៊ុំ រាត្រី អភិបាលនៃគណៈអភិបាលខេត្ត និងលោក សិទ្ធិ ឡោះស្នងការនៃស្នងការដ្ឋានខេត្តសូមឯកឧត្តម លោក មេត្តាជួយចាត់កម្លាំងកូនចៅក្រោមឱ្យវាទចុះត្រួតពិនិត្យទីតាំងល្បែងសុីសងជល់មាន់តាមអឡាញខាងលើនេះផងទាន។
