ខេត្តព្រៃវែង ៖ ប្រភពប្រជាពលរដ្ឋថា មានទីតាំងបនល្បែងស៊ីសងជល់មាន់ តាមទូរទស្សន៍អនឡាញខុសច្បាប់ជាច្រើនទីតាំងដូចជា ទី១. នៅផ្ទះឈ្មោះ (ណន)ស្ថិតក្នុងភូមិសុបិន្ត ទី២. នៅផ្ទះឈ្មោះ(សៀន) នៅភូមិតងឡងទី៣ ចំណែកទី៣. នៅផ្ទះឈ្មោះ(វលក្ខណ៍) ស្ថិតនៅភូមិសង្វាន ឃុំព្រៃខ្លា និងទី៤ នៅផ្ទះឈ្មោះ(វ៉ា ) ស្ថិតនៅភូមិបឹងរ៉ាច់ ឃុំអង្គរទ្រេត ស្រុកស្វាយអន្ទរ ទីតាំងទាំងនេះកំពុងបើកដំណើរការឲ្យប្រជាពលរដ្ឋខ្មែរលេងយ៉ាងអាណាធិបតេយ្យ ដោយគ្មានអាជ្ញាធរនិងសមត្ថកិច្ច មូលដ្ឋានធ្វើការបង្ក្រាប សង្ស័យមានឯកភាពពីគ្នាណាមួយហើយមើលទៅ ។
ប្រជាពលរដ្ឋលើកឡើងថា ល្បែងស៊ីសងទាំងនេះ គឺ ជាដើមហេតុ នៃបទល្មើស ដូចជាចោរ លួច. ចោរឆក់ចោរ.ប្លន់ និងអំពើហិង្សាក្នុងគ្រួសារជាដើម ។ល។
ដូច្នេះហើយទើបប្រជាពលរដ្ឋបានសំណូមពរដល់ លោក អភិបាលស្រុកស្វាយអន្ទរ និងលោក អ៊ុង ផាន អធិការស្រុកស្វាយអន្ទរ ជាពិសេស ឯកឧត្តមអភិបាលខេត្តព្រៃវែង សួន សុម៉ាលីន អភិបាល ខេត្តព្រៃវែង និង លោក ឈឿន ប៊ុនឆន ស្នងការខេត្តព្រៃវែង មេត្តាចាត់មន្ត្រីក្រោមឱវ៉ាទចុះស្រាវជ្រាវបង្ក្រាបផងទាន ដើម្បីឲ្យ ស្របតាមគោលនយោបាយ ភូមិឃុំ.សង្កាត់ ទាំង៧ចំណុចរបស់រាជរដ្ឋាភិបាល ដែលដាក់ ចេញដោយក្រសួងមហាផ្ទៃ ដើម្បីធានាបាននូវសុខ សុវត្ថិភាពជួនប្រជាពលរដ្ឋនៅក្នុងមូលដ្ឋាន ។
(សូមរំលឹកថាកាលពីខែកញ្ញាចុង ឆ្នាំ២០២២ កន្លងទៅ សម្ដេច ហ៊ុន សែន អតីត នាយក រដ្ឋមន្ត្រី នៃកម្ពុជាបានដាក់ចេញ បទបញ្ជាដាច់ណាត់ មួយឱ្យអភិបាលរាជធានីខេត្តទូទាំង២៥ ខេត្តក្រុងត្រូវបិទនិងបង្ក្រាបទីតាំងបនល្បែងស៊ីសងគ្រប់ប្រភេទឲ្យខានតែបាន។ សម្ដេច ហ៊ុន សែន បាន បញ្ជាក់ យ៉ាងដាច់ណាត់ថា អាជ្ញាធរមានសមត្ថកិច្ច ស្រុកក្រុង ខេត្តណាដែលមិននាំគ្នាទប់ស្កាត់ និងបង្ក្រាប បទល្មើស ល្បែង ស៊ីសងនៅក្នុងមូលដ្ឋានរបស់ខ្លួនទេ អាជ្ញាធរនិងសមត្ថកិច្ចទាំងនោះ នឹងត្រូវប្រឈមបាត់បង់តំណែងទៀតផង៕
