ខេត្តបាត់ដំបង ៖ សង្វៀនជល់មាន់ បើកដំណើរការលេងយ៉ាងអនាធិប តេយ្យ ស្ថិត នៅ ក្នុងភូមិតាងែនឃុំតាគ្រាម ស្រុកបាណន់ខេត្តបាត់ដំបងសង្ស័យអាជ្ញាធរមានសមត្ថកិច្ចក្នុងមូលដ្ឋាន ទទួលបាន លាភសក្ការៈទេដឹងបានជាមិនហ៊ានបង្រ្កាប។
បើយោងតាមប្រភពច្បាស់ការណ៍ពីប្រជាពលរដ្ឋរស់នៅឃុំតាគ្រាមបានអោយដឹងថា សង្វៀន ជល់មាន់ ដែលកំពុងបើកដំណើរការបំរើក្រុមញៀនល្បែងប្រមូលផ្តុំគ្នាចេញចូលលេងរាល់ថ្ងៃ យ៉ាងគគ្រឹក គគ្រេងដោយរលូនគ្មាន អាជ្ញាធរនិងសមត្ថកិច្ចមន្រ្តីជំនាញពាក់ព័ន្ធក្នុងមូលដ្ឋាន ណាហ៊ានចុះមកទប់ស្កាត់និងបង្រ្កាបនោះទេ។
ប្រភពដដែលបានអោយដឹងបន្ថែមទៀតថា សង្វៀនជល់មាន់ ស្ថិតនៅក្នុងឃុំតាគ្រាមបើកដំណើរការលេងយូរខែ មកហើយដោយសេរីគ្មានអាជ្ញាធរនិងសមត្ថកិច្ចណាហ៊ានបង្ក្រាបនោះទេ!មតិមហាជនក៍ដូចប្រជាពលរដ្ឋបានលើកឡើងថា បេីគ្មានការបើកដៃពីសំណាក់មន្ត្រីអាជ្ញាធរនិងសមត្ថ កិច្ចពាក់ព័ន្ធក្នុងមូលដ្ឋាននោះទេ! គឺទីតាំងនោះមិនអាចបើកល្បែងស៊ីសងខុសច្បាប់បានឡើយ ហើយប្រហែលត្រូវប្រឈមនឹងការបង្ក្រាបទៀតផង។
ចុះឯណាទៅ?ភូមិ ឃុំ មានសុវត្តិភាពទាំង៧ចំណុច ? ដែលរាជរដ្ឋាភិបាលបានដាក់ចេញដោយក្រសួងមហាផ្ទៃដើម្បីអោយថ្នាក់ក្រោមអនុវត្តន៍ប្រកបដោយប្រសិទ្ធភាព?។
ព្រោះថាទី ណាមានល្បែងសុីសងទីនោះបង្កភាពអសន្តិសុខសង្គម ដូចជា៖ អំពើចោរកម្ម ចោរលួច.ចោរប្លន់. ចោរឆក់ .ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនកើតមានគួរអោយកត់សម្គាល់ដើមចមកើតចេញពីល្បែងសុីសងនេះផង។
ដូច្នេះហើយបងប្អូនប្រជាពលរដ្ឋក្នុងមូលដ្ឋានសូមសំណូមពរដល់ លោក សំ វិរះ អធិការស្រុកបាណន់ មានវិធានការទប់ស្កាត់និងបង្រ្កាប បនល្បែងស៊ីសងខុសច្បាប់ខាងលើនេះផងទាន។
