ខេត្តបាត់ដំបង៖ បើយោងតាមលិខិតជូនដំណឹងរដ្ឋបាលស្រុកបាណន់លេខ 106/23 សជណចុះថ្ងៃទី 11 ខែធ្នូឆ្នាំ 2023ប្រជាពលរដ្ឋនិងអាជីវករជ្រាបថា។ទីតាំងចំណុចមុខវត្តបាយដំរាំជាផ្សារចាស់នោះគឺប៉ះពាល់ដីចំណីស្ទឹងនិងផ្លូវ សាងសង់ផ្ទះ រោង រាន គឺរំលោភបំពានដីចំណីស្ទឹងនិងផ្លូវរបងវត្ត នាំឲ្យបាត់បង់សណ្ដាប់ធ្នាប់សោភ័ណភាពបង្ករកកស្ទះចរាចរណ៍និងបរិស្ថាន។
ដោយពេលនេះរដ្ឋបាលស្រុកកំពង់ចូលរួមអភិវឌ្ឍន៍ក្នុងស្រុកផងនោះរដ្ឋបាលស្រុកត្រូវយកទីតាំងដីមុខវត្តដីចំណីស្ទឹងការពារដោយរដ្ឋកសាងជាសួនច្បារជណ្ដើរចុះស្ទឹងសាលាឆទានសម្រាប់ភ្ញៀវទេសចរជាតិនិងអន្តរជាតិសាធារណជនទូទៅទស្សនាកំសាន្តនិងមើលសត្វជ្រឹង។
បញ្ហារដ្ឋបាលស្រុកតម្រូវការអភិវឌ្ឍន៍នោះលោក ភឿនសុផល ជាប្រជាពលរដ្ឋដែលមករស់នៅលើដីចំណីស្ទឹងផ្លូវមុខវត្តបាយដំរាំឃុំបាយដំរាំ ស្រុកបាណន់ចាស់វស្សាលើកឡើងថាកាលនោះរូបខ្ញុំមករស់នៅទីនេះគឺបានសុំលោកនឹងអាជ្ញាធរខ្លះដែលដើម្បីដោះស្រាយជីវិតហើយទីនេះក៏មានគេមករស់នៅដូចខ្ញុំដែរ។ហើយលោកបានបន្ដែមទៀតថារយៈកន្លងមករូបខ្ញុំមានភាពខ្វះខាត ខ្ញុំពុំអាចពង្រីកខ្លួនឲ្យទូលាយទេគួបផ្សំអាជ្ញាធរមូលដ្ឋានទប់ស្កាត់ផង។ចំណែកផ្ទះមួយទៀតគេរស់នៅដូចខ្ញុំដែរតែគេមានលទ្ធភាពពង្រីក លម្អ ធ្វើផ្ទះនិងរបងរឹងមាំដោយរលូនគ្មានអាជ្ញាធរមូលដ្ឋានហ៊ានទប់ស្កាត់នោះទេព្រោះផ្ទះនោះជាផ្ទះរបស់លោកមេឃុំបាយដំរាំឈ្មោះង៉ង ឆាន់លី តែម្ដង។
ពាក់ពន្ធនឹងការអភិវឌ្ឍន៍នៅចំណុចមុខវត្តដីចំណីស្ទឹងនោះដែលលោក ស្រេងសុខាអភិបាលស្រុកបាណន់បានលើកឡើងថាចំពោះភាពប៉ះពាល់ដីផ្លូវចំណីស្ទឹងការពារដោយរដ្ឋលោកនិងដោះស្រាយជានិច្ច។
(គួររំលឹកថាលោកភឿនសុផលរដ្ឋបាលស្រុកបានដោះស្រាយនិងសម្របសម្រួលឲ្យប្ដូរទីតាំងហើយ)
ទោះជាយ៉ាងណាក្ដីប្រជាពលរដ្ឋនិងមហាជនសូមសំណូមពរស្នើសុំដ៏ឯកឧត្តម សុខ លូ អភិបាលនៃគណៈអភិបាលខេត្តបាត់ដំបងមេត្តាជួយដាក់កម្លាំងចុះត្រួតពិនិត្យនូវការអភិវឌ្ឍន៍នៅមុខវត្តបាយដំរាំដីចំណីស្ទឹងការពារដោយរដ្ឋតើផ្ទះលោក ង៉ង ឆាន់លី មេឃុំបាយដំរាំមានភាពប៉ះពាល់ឬទេ?។
