ខេត្តបាត់ដំបង ៖ ប្រភពប្រជាពលរដ្ឋរស់នៅម្ដុំនោះបង្ហើបប្រាប់ថាជារៀងរាល់ឆ្នាំក្រុមហ៊ុនដឹកជញ្ជូនអាចម៍ដីលក់យ៉ាងគក្រឹកគក្រែងចែកចាយពាសពេញឃុំអូរតាគីក្នុងការដឹកវិញមិនមានគ្រប់នោះទេបើផ្លូវវិញនិយាយលេងចេញហើយ។
បញ្ហារឿងទីតាំងរណ្ដៅដីខ្នាតយក្យមួយកន្លែងស្ថិតនៅភូមិកកោះ ឃុំអូរតាគី ស្រុកថ្មគោល ខេត្តបាត់ដំបង គឺជាទីតាំងរបស់ក្រុមហ៊ុនលោកខៀវ ឃៀង ជីកដឹកលក់ជាប្រចាំ ហើយលោកមានប្រសាសន៍ថាក្រុមហ៊ុនរបស់ខ្ញុំជីរណ្ដៅដីនេះមានច្បាប់ទាំងអស់មិនជឿសួរទៅលោកអភិបាលស្រុកទៅ។(តាមទូរស័ព្ទ)
ចំណែកលោក ស៊ុន ស៊ីធួន ប្រធានការិយាល័យរ៉ែនឹងថាមពលខេត្តបាត់ដំបងបានមានប្រសាសន៍ថាចំពោះក្រុមហ៊ុនលោក ខៀវ ឃៀង ពុំមានច្បាប់អនុញ្ញាត្តនោះទេនៅរណ្ដៅដីចាស់នេះ។
ទោះជាយ៉ាងណាក្ដីប្រជាពលរដ្ឋស្នើសុំសំណូមពរដល់លោក ជា សម្បត្តិ អភិបាល នៃគណៈអភិបាលស្រុក និងជាគណៈបញ្ជាការកងកម្លាំងឯកភាពរដ្ឋបាលស្រុកថ្មគោលមេត្តាជួយដាក់កម្លាំងចុះត្រួតពិនិត្យនៅរណ្ដៅដីខ្នាតយក្យរបស់ក្រុមហ៊ុនរបស់លោកខៀវ ឃៀងនេះផងទានតើស្របច្បាប់កំរិតណា។
