ស្រុកឯកភ្នំ ៖ទឹកដីនៃខេត្តបាត់ដំបងប្រជាពលរដ្ឋ សូមគោរព ជូនឯកឧត្តម ឌិត ទីណា រដ្ឋមន្ត្រីក្រសួងកសិកម្ម រក្ខាប្រមាញ់និងនេសាទ និង លោកពុំ សុថា ប្រតិភូរាជរដ្ឋាភិបាល ទទួលបន្ទុក ប្រធានរដ្ឋបាលជលផល មេត្តាជ្រាប អំពីសកម្មភាពបទល្មើសនេសាទ លូស្បៃមុង របាំង ណរ៉ាវ សព្វថ្ងៃនេះ កំពុងធ្វើសកម្មភាព យ៉ាងគគ្រឹកគគ្រេង នៅលើទឹកដីនៃស្រុកឯកភ្នំខេត្តបាត់ដំបង ក្រោមការគ្រប់គ្រង របស់លោក ជិម វិជរ៉ា ប្រធានមន្ទីកសិកម្មរុក្ខាប្រមាញ់និងនេសាទខេត្តបាត់ដំបងរួមនិងស្រុកឯកភ្នំ។
ប្រជាពលរដ្ឋសូមបញ្ជាក់ជូនថាបទល្មើសនេសាទ នៅក្នុងស្រុកឯកភ្នំការបង្ក្រាបកន្លងមក ជារៀងរាល់ឆ្នាំ ប្រៀបបានដូចយកជីទៅបាចដាក់ស្រូវអោយលូតលាស់ល្អ ដុះស្មើៗគ្នាចឹង បង្ក្រាបខ្លាំង កើនឡើងក៏ខ្លាំងជាងមុន ប្រជាពលរដ្ឋបានលើកឡើង ថា បើមិនចាត់វិធានទៅលើជំនាញដែលគ្រប់គ្រងនៅទីនោះទេ បានន័យថា នៅតែដដែលៗទេ ព្រោះគេបានត្រូវ រ៉ូវគ្នាអស់ហើយ ។ រូបភាពខាងក្រោមនេះ សុទ្ធតែឈ្មួញដែលចេះបំបាំងខ្លួនពួន អាត្មា រួមសុខរួមទុក ស៊ីអត់សុីឃ្លាន ជាមួយលោកនាយផ្នែក ជលផលតាមស្រុកនីមួយៗ ។
មេបទល្មើសជាច្រើននៅក្នុងស្រុកនីមួយៗដែលដាក់ បណរ៉ាវ ប្រចាំភូមិ ឃុំក្នុងម្នាក់ៗប្រវែងរ៉ាប់ពាន់ម៉ែត្រចែកជាឡុកជាច្រើន។
ភាពជាក់ស្ដែងនៅថ្ងៃទី13-14ខែកម្ភៈឆ្នាំ2024 នៅចំណុច (អូរនរា)ក្នុងឃុំកោះជីវ៉ាំង ស្រុកឯកភ្នំ ខេត្តបាត់ដំបងដែលមានឈ្មោះ យុន វិបុល និងឈ្មោះ សុខ សាន ដាក់ បណរ៉ាវ ប្រវែង1000ម៉ែត្រចែកជាបីឡុក ដូចគ្នានេះតាមការលើកឡើងរបស់ពលរដ្ឋ។
ហេតុនេះពលរដ្ឋសង្ឃឹមទៅលើ ឯកឧត្តម សុខ លូ អភិបាល នៃអភិបាលខេត្ត នឹងជាកងកម្លាំងបញ្ជាការឯកភាពរដ្ឋបាលខេត្តមេត្តាជួយដាក់កម្លាំងចុះត្រួតពិនិត្យបន្ថែមផងទាន។
