ខេត្តត្បូងឃ្មុំ ៖ មានសេចក្តីរាយការណ៍ប្រាប់មកថា! ឈ្មោះ លោក ទ្រី បុគ្គលម្នាក់នេះហើយ ជាម្ចាស់ទីតាំងល្បែង(បញ្ជាល់មាន់ និងអាប៉ោង)ខុសច្បាប់ ទ្រង់ទ្រាយធំ មួយកន្លែង ស្ថិតនៅភូមិត្រពាំងក្រពើ ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ ប្រហែលមានខ្នងបង្អែក រឹងមាំ ហើយទើបមានឥទ្ធិពល ទៀតផង ហ៊ានធ្វើអ្វីៗតាមអំពើចិត្ត មិនខ្លាចញញើតអាជ្ញាធរមូលដ្ឋាន។
ជាមួយគ្នានេះ ប្រជាពលរដ្ឋក្នុង ឃុំមង់រៀវ ស្រុកត្បូងឃ្មុំ នាំគ្នាដាក់ការសង្ស័យ មន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ទាំងនោះ សម្ងំទទួលលាភសក្ការៈ និងផលប្រយោជន៍ ខ្លះៗពីម្ចាស់ល្បែងសុីសង ទ្រង់ទ្រាយធំ មួយនេះ រួចហើយផងក៏មិនដឹង ទើបបុគ្គលម្នាក់នេះ ហ៊ានបើកល្បែងដូចជា(បញ្ជាល់មាន់ និងអាប៉ោង)ខុសច្បាប់ ទុកឲ្យក្រុមញៀនល្បែងទៅលេងភ្លូកទឹក ភ្លូកដី គ្មានការបង្ក្រាប! ឬទប់ស្កាត់ទាល់តែសោះ ។
មជ្ឈដ្ឋានខាងក្រៅ.!និងប្រជាពលរដ្ឋរស់នៅក្បែរទីតាំងនោះ រងរិះគន់ចំៗថា! បើគ្មានការឃុបឃិតគ្នា ជាប្រព័ន្ធ ហើយមានខ្នងបង្អែក រឹងមាំទេនោះ បុគ្គលម្នាក់នេះ និងបក្សពួក របស់ខ្លួន មិនអាចសាងភាពល្បីល្បាញ ខាងបើកល្បែង(បញ្ជាល់មាន់ និងអាប៉ោង)ខុសច្បាប់ ទ្រង់ទ្រាយធំ នៅលើទឹកដី ស្រុកត្បូងឃ្មុំ ខេត្តត្បូងឃ្មុំ បានឡើយ។
ជាងនេះទៅទៀត ឈ្មោះ លោក ទ្រី បុគ្គលម្នាក់នេះ កំពុងឲ្យបក្សពួកកៀងគរក្រុមញៀនល្បែងគ្រប់ទិសទីឲ្យចូលលេងល្បែង(បញ្ជាល់មាន់ និងអាប៉ោង)ខុសច្បាប់ ភ្នាល់ចាក់លុយ ចាញ់ឈ្នះ រាប់.លាន រៀល ទៅដល់ រាប់.ពាន់ ដុល្លារ ឯណោះ (ពោលគឺ)ចាក់លុយច្រើនៗទៅតាមការកំណត់គ្នា គូរធម្មតា ឬគូរពិសេស។
ប្រភពដដែលបានបន្ថែមថា! ក្តីកង្វល់ របស់ប្រជាពលរដ្ឋរស់នៅសព្វថ្ងៃនេះ មានការព្រួយបារម្មណ៍ និងភាពភ័យខ្លាច ចំពោះសុខទុក្ខ និងសុវត្ថិភាព គ្រួសារពួកគាត់ ព្រោះថាទីណាមានល្បែងស៊ីសង ទីនោះមិនយូរមិនឆាប់នោះទេ កើតមាននូវ អំពើចោរកម្ម និងបទល្មើសផ្សេងៗដូចជា លួច ឆក់ ប្លន់ ជាពិសេស អំពើហឹង្សារ ក្នុងគ្រួសារ ជាក់មិនខាន ។
អង្គភាពសារព័ត៌មានយើង ធ្វើការផ្សព្វផ្សាយនេះ ដើម្បីពាំនាំដំណឹងអំពីសកម្មភាព ក៏ដូចព្រឹត្តិការណ៍ ក្នុងការជំរាបជូនដល់ ស្ថាប័នពាក់ព័ន្ធឲ្យបានជ្រាប់ ហេតុដូច្នេះ មជ្ឈដ្ឋានអ្នកច្បាប់ ក៏ដូចប្រជាពលរដ្ឋរស់នៅក្នុង ឃុំមង់រៀវ ស្រុកត្បូងឃ្មុំ សំណូមពរទៅដល់ ឯកឧត្តម ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ ជាពិសេស ឧត្តមសេនីយ៍ត្រី ចិន នី ស្នងការនគរបាលខេត្តត្បូងឃ្មុំ ទើបឡើងកាន់តំណែងថ្មីៗ សូមជួយចាត់មន្ត្រីក្រោម ឪវាទ ចុះទប់ស្កាត់ ទង្វើ មិនប្រក្រតី របស់ បុគ្គលដែលហ៊ានបើកល្បែង(បញ្ជាល់មាន់ និងអាប៉ោង)ខុសច្បាប់ ទ្រង់ទ្រាយធំ មួយកន្លែង ស្ថិតក្នុងភូមិសាស្ត្រខាងលើនេះ ដើម្បីស្របតាមគោលនយោបាយ.ភូមិ.ឃុំ. មានសុវត្ថិភាព ទាំង៧ ចំណុច របស់ រាជរដ្ឋាភិបាល ដែលបានកំណត់ និងដាក់ចេញ ឲ្យមន្ត្រីថ្នាក់ក្រោមជាតិ អនុវត្ត ទប់ស្កាត់ និងបង្ក្រាបល្បែងស៊ីសង គ្រប់ប្រភេទ នូវទូទាំង ប្រទេស កន្លងមកនោះ ៕
