បន្ទាយមានជ័យ ÷ ប្រភពពីប្រជាពលរដ្ឋ ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត បានឲ្យដឹងថា ម្ចាស់កាស៊ីណូ នៅជិតចំណុចច្រកអន្តរជាតិព្រំដែនប៉ោយប៉ែត បើកឲ្យពលរដ្ឋខ្មែរ មកពី គ្រប់ទិសទី ចូលលេងល្បែងបញ្ជាល់មាន់ខ្នាតធំ យ៉ាងពពាក់ពពូន គ្មានញញើតអ្វីទាំងអស់។
មន្ត្រីអាជ្ញាធរ និងសមត្ថកិច្ចថ្នាក់សង្កាត់
ព្រមទាំង សមត្ថកិច្ចថ្នាក់ក្រុងប៉ោយប៉ែត មិនហ៊ានទៅក្បែរ កាស៊ីណូអត់ផ្លាកយីហោ ក្នុងភូមិក្បាលស្ពាន១ សង្កាត់អូរជ្រៅ នោះទេ ព្រោះអ្វីម្ចាស់កាស៊ីណូ មានខ្នងបង្អែករឹងមាំនៅពីក្រោយចាំជួយបិទបាំង ទើបបុគ្គលរូបនេះអាចធ្វើអ្វីៗតាមអំពើចិត្ត។
មជ្ឈដ្ឋានខាងក្រៅ.! និងពលរដ្ឋក្នុងមូលដ្ឋាននៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត បានអំពាវនាវដល់ ថ្នាក់ដឹកនាំក្រសួងមហាផ្ទៃ ជាពិសេស នាយឧត្ដមសេនីយ៍ ស ថេត អគ្គស្នងការនគរបាលជាតិ ទេីបឡេីងកាន់តំណែងថ្មីៗពិនិត្យឡើងវិញខ្លះផង ព្រោះម្ចាស់កាស៊ីណូអត់ផ្លាកយីហោ នៅខាងជើងច្រកអន្តរជាតិប៉ោយប៉ែត១៥០ម៉ែត្រ កំពុងបើកដៃឲ្យពលរដ្ឋខ្មែរចូលលេងល្បែងបញ្ជាល់មាន់ចាក់ភ្នាល់ស៊ីសងខុសច្បាប់ យ៉ាងគំហុករាល់ថ្ងៃ។
ប្រការនេះកំពុងធ្វើឲ្យប្រជាពលរដ្ឋ ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉េត បន្ទាយមានជ័យ មានការព្រួយបារម្ភយ៉ាងខ្លាំងពីបញ្ហាអសន្តិសុខសង្គម ព្រោះអំពើចោរកម្ម ដូចជា ចោរលួច ឆក់ ប្លន់ អំពើហិង្សាក្នុងគ្រួសារ និងបទល្មើសផ្សេងៗ កេីតមានឡេីងគូរឲ្យកត់សម្គាល់ថែមទៀតផង មិនទាន់ចាត់វិធានការបង្ក្រាប ឲ្យស្របតាមគោលនយោបាយ ភូមិ ឃុំ មានសុវត្ថិភាព៧ចំណុច ដែលដាក់ចេញដោយក្រសួងមហាផ្ទៃនោះទេ។
ហេតុនេះហើយទើបពលរដ្ឋសំណូមពរដល់លោក សិទ្ធិ ឡោះ ស្នងការខេត្តបន្ទាយមានជ័យនឹង ឯកឧត្តម អ៊ុំ រាត្រី អភិបាល នៃគណៈអភិបាលខេត្ត និងជាកងកម្លាំងបញ្ជាការឯកភាពខេត្តបន្ទាយមានជ័យជួយដាក់កម្លាំងចុះត្រួតពិនិត្យនៅទីតាំងបើកល្បែងស៊ីសងនេះផង។
