ក្រុងប៉ោយប៉ែត ៖ ពិតជាខ្លាំងមែន លោក គួច ម៉េង ដែលត្រូវបានគេស្គាល់យ៉ាងច្បាស់ថា ជា ម្ចាស់នាគទិព្វ ២ ឋិតនៅតាមបណ្តោយផ្លូវបេតុង ស្តង់តាងួន ក្នុងភូមិ គីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត កំពុង យកដីចំណីផ្លូវ សាធារណៈរបស់រដ្ឋ ទៅសាងសង់ សំណង់ ដើម្បីរៀបចំជាតូប ទុកជួល អោយអាជីវករ យកលុយ ដាក់ហោប៉ៅផ្ទាល់ ដោយមិនខ្វល់ពី ចរាចរណ៍ណែនាំរបស់រដ្ឋបាលក្រុងប៉ោយប៉ែតឡើយ ។ តើលោក គួច ម៉េង អាចសាងសង់ សំណង់រំលោភលើដីចំណីផ្លូវ នឹងហ៊ុំព័ត្របង្គោលភ្លើងនេះ បាន មកពីចេះ បំបាំងកាយធ្វើអោយអាជ្ញាធរឬជំនាញមើលពុំឃើញទេដឹង?
ទោះជាលោក គួច ម៉េង ចេះបំបាំងកាយសាងសងរំលោភចំណីផ្លូវសាធារណៈក៏ដោយ ក៏រដ្ឋបាលក្រុងចង្អុលបង្ហាញពីរ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានចុះទប់ស្កាត់ ធ្វើកំណត់ហេតុមិនអោយធ្វើបន្ដទៀតទេ ហើយអោយរុះរើចេញពីចំណីផ្លូវទៀតផង។
តាមប្រភពពលរដ្ឋ ឆ្លងកាត់ទីនោះបានបង្ហើបប្រាប់ក្រុមអ្នកយកព័ត៌មានមេគង្គខ្មែរនៅថ្ងៃទី25,10,2024ថាចំពោះទីតាំងរបស់លោក គួច ម៉េង នោះគឺនៅតែសាងសង់ដដែលមិនឃើញមានសមត្ថកិច្ចឬអាជ្ញធរណាមករំខានទៀតទេ។
បញ្ហាការសាងសង់សំណង់រំលោភលើផ្លូវសាធារណៈរបស់លោកគួច ម៉េង នៅភូមិសាស្ដ្រខាងលើនេះលោក គាត ហ៊ុល អភិបាលនៃគណៈក្រុងប៉ោយប៉ែតបានមានប្រសាសន៍ថាលោក ខិតខំទប់ស្កាត់មិនអោយសាងសង់ទៀតទេតែបើនៅតែសាងសង់បន្ដទៀតនោះ លោកនឹង មានវិធានការដោះស្រាយតាមគោលការច្បាប់មិនលើកលែងនោះទេ។
