ក្រុងពោធិ៍សាត់៖ ប្រភពពលរដ្ឋមានសេចក្ដីរាយការណ៍អោយក្រុមអ្នកយកព័ត៌មានដឹងថាមានក្រុមហ៊ុនមួយចូលធ្វើអាជីកម្មជីករណ្ដៅយកអាចម៍ដីដឹកលក់យ៉ាងគក្រឹងគក្រែងនៅចំណុចជិតរង្វង់មូលផ្ដិលចូលតាមខ្លោងទ្វាវត្តស្ថិតនៅសង្កាត់រលាភក្រុងពោធិ៍សាត់ខេត្តពោធិ៍សាត់បើបើកបរលឿន ដឹកមិនគ្រប ហុយ ចំណែកអាជ្ញាធរហាក់គ្មានខ្វាយខ្វល់នោះទេ។
បញ្ហារឿងក្រុមហ៊ុនលោកតាំង សារ៉េត ចូលធ្វើអាជីកម្មជីករណ្ដៅយកអាចម៍ដីលក់នោះលោកប្រធានមន្ទីរ៉ែនឹងថាមពលខេត្តពោធិ៍សាត់បានលើកឡើងថាក្រុមហ៊ុនខាងលើនោះគឺមានច្បាប់ពីរច្រកចេញចូលខេត្តហើយតែចំណែកជម្រៅនោះវិញគឺអនុញ្ញាត្តបានត្រឹមតែ5ម៉ែត្រនោះទេ។
ចំណែកក្រុមហ៊ុនលោកតាំង សារ៉េត ក្រុមអ្នកយកព័ត៌មានយើងខិតខំទំនាក់ទំនងតាមទូរស័ព្ទ ដើម្បីអោយលោកជួយស្រាយបំភ្លឺនៅរណ្ដៅដីដែលលោកកំពុងជីកនោះ តែតេចូលជាច្រើនដងហើយពុំលើក។
ទោះជាយ៉ាងណាក៏ពលរដ្ឋនឹងមជ្ឍដ្ឋានទូរទៅស្នើសុំសំណូមពរដល់ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ មេត្តាជួយដាក់កម្លាំងចុះត្រួតពិនិត្យនៅរណ្ដៅដីរបស់ក្រុមហ៊ុនលោកតាំង សារ៉េតនោះផងទាន។
