ខេត្តកណ្តាល៖ មានសេចក្តីរាយការណ៍ថា មានឡានដឹកដីជាច្រើនកំពង់ចាក់ដីចូលនឹងចំណីទន្លេ២កន្លែង ស្ថិតនៅភូមិតាពៅ ឃុំកោះចិន ស្រុកពញាឮ ខេត្តកណ្តាល ។
លោក ថង សុវណ្ណា អភិបាលស្រុកពញាឮបានឱ្យអ្នកសារព័ត៌មានដឹងថា ទីតាំងចាក់ដីទាំង2កន្លែងនោះលោកនឹងអោយអាជ្ញាធរឃុំចុះទប់ស្កាត់ហើយ។
បើតាមអនុក្រឹត្យរបស់រាជរដ្ឋាភិបាល ស្តីពីការគ្រប់គ្រងអាងទន្លេ ចុះថ្ងៃទី២៤ខែកក្កដាឆ្នាំ២០១៥ ត្រង់មាត្រា៨ បានចែងថា ដីចំណីមាត់ច្រាំងទន្លេត្រូវកំណត់ ចម្ងាយ៥០(ហាសិបម៉ែត្រ) គិតពីមាត់ច្រាំងទន្លេ។
ដូច្នេះករណីទីតាំងចាក់ដី២កន្លែងនេះ មានតែសមត្ថកិច្ចជំនាញ អភិបាលខេត្តកណ្តាល មន្ទីរធនធានទឹក និងក្រសួងធនធានទឹក ចុះពិនិត្យទេ ទើបដឹងថា ស្របច្បាប់ឬយ៉ាងណា និងគួរមានវិធានការបែបណា។
មេគង្គខ្មែរ រង់ចាំបំភ្លឺពីគ្រប់ភាគីពាក់ព័ន្ធរៀងរាល់ម៉ោងធ្វើការតាមលេខ០៩២ ៥០៧៩៧៩
