ខេត្តបាត់ដំបង ៖
ប្រភពពលរដ្ឋដែលរស់នៅទីនោះបានលើកឡើងថា ភ្នំដីសនេះគឺស្ថិតនៅក្នុងឃុំឈើទាលស្រុកបាណន់ខេត្តបាត់ដំបង ដោយពីមុនៗមានគ្រឿងចក្រ ឬក្រុមហ៊ុនបានចូលមកគាស់កាយដឹកជញ្ជូនយកដីគ្រួសក្រហមម្ដងកាលដែលហើយទុកចោលរហូតមក។ហើយបន្ថែមទៀតថានៅពេលនេះបានឃើញគ្រឿងចក្រហៅថាអេស្កាជាច្រើនគ្រឿងបានចូលមកគាស់កាយដឹកជញ្ជូនដាក់ឡានតូចធំយ៉ាងគក្រឹកគក្រែងដឹកចេញយ៉ាងរលូន។
ពាក់ព័ន្ធនឹងភ្នំដីសនេះដែល លោក ស្រេង សុខា អភិបាល នៃគណៈអភិបាលស្រុកបាណន់ បានលើកឡើងថា(តាមទូរស័ព្ទ) លោកបានយកឬហៅគ្រឿងចក្រមកជួយសម្អាតភ្នំដីសអោយរៀបស្មើដើម្បីទុកជួយដល់ពលរដ្ឋដែលខ្វះខាតតាមសង្គមកិច្ច។ចំណែករឿងដីភ្នំដីសដែលគាស់កាយនោះគឺទុកសម្រាប់យកទៅអភិវឌ្ឍនក្នុងឃុំឬស្រុកប៉ុណ្ណោះតែបើក្រុមហ៊ុននោះលក់ឬដឹកជញ្ជូនទៅពូនជាភ្នំខុសពីទីតាំងខាងលើគឺខុសហើយ។
ចំណែកលោក ស៊ិន ស៊ីធួន ប្រធានការិយាល័យរ៉ែនឹងថាមពលខេត្តបាត់ដំបងបានលើកឡើងថាចំពោះការគាស់កាយភ្នំដីសដើម្បីយកដីនោះគឺលោកស្រេង សុខា អភិបាលស្រុកបាណន់ជាអ្នកធ្វើ អាចទៅសួរលោកអភិបាលស្រុកវិញទើបដឹងច្បាស់។
ហេតុនេះពលរដ្ឋសំណូមពរស្នើរសុំដល់ឯកឧត្តម សុខ លូ អភិបាល នៃគណៈអភិបាលខេត្តនឹងជាគណៈបញ្ជាការកងឯកភាពរដ្ឋបាលខេត្តបាត់ដំបងមេត្តាជួយដាក់កម្លាំងចុះត្រួតពិនិត្យនៅទីតាំងភ្នំដីសនេះផង ដើម្បីបញ្ជៀសការរិះគន់ពីមហាជនថា ភ្នំដីសត្រូវគេដោះដូរមកនៅស្រុកថ្មគោលវិញហើយ។
អង្គភាពគេហទំព័រមេង្គខ្មែររងចាំស្រាយបំភ្លឺក្រុមម៉ោងធ្វើការតាមលេខ 092 50 7979
