លោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដឹក នាំកិច្ចប្រជុំបូកសរុបសភាពការណ៍ប្រចាំខែតុលា និងលេីកទិសដៅភារកិច្ចខែវិច្ឆិកាឆ្នាំ២០២០។
ក្នុងកិច្ចបូកសរុបសភាពការណ៍លោកឧត្តមសេនី យ៍ស្នងការបានក្រេីនរំលឹកដល់ថ្នាក់ដឹកនាំគ្រប់ផែនជំនាញ ការិយាល័យជំនាញ រួមទាំងអធិ ការ នគរបាលក្រុង ស្រុកត្រូវពិនិត្យពិចារណាឡេីង វិញ ចំពោះករណីអសន្តិសុខសង្គមដែលកេីតមានក្នុងមូលដ្ឋាននាខែកន្លងទៅ ដូចជាករណី ចោរកម្ម ករណីគ្រឿងញៀននិងក្រុមក្មេងបង្កអាណាធិបតេយ្យជាដេីម។ លោកស្នងការបានបញ្ជាក់ជូនថាកន្លងទៅលោកបានឱ្យធ្វេីការផ្សព្វផ្សាយលេខទូរស័ព្ទរបស់លោកផ្ទាល់ របស់លោក លោកស្រីស្នងការរង លោកអធិការនគរបាលក្រុងស្រុក រួមទាំងលេខទូរស័ព្ទរបស់នាយប៉ុស្តិ៍នគរបាលរដ្ឋបាលផង ដូច្នេះក្នុងពេលប្រជាពលរដ្ឋទាក់ទងមកមន្រ្តីនៅមូលដ្ឋានរូបណាមិន បានដោះស្រាយបញ្ហានិងអន្តរាគមន៍ជូនគាត់ទាន់ពេលវេលាទេ មន្រ្តីរូបនោះត្រូវតែទទួលខុសត្រូវចំពោះមុខថ្នាក់ដឹកនាំស្នងការ៕
