ស្រុកភ្នំព្រឹក ៖ ភាពជាក់ស្ដែងនេះក្រសួងអភិវឌ្ឍន៍ជនបទ បានជួសជុលផ្លូវជាតិ59 ភូមិទួលខ្ពស់ – ភូមិអូរគល់សំយ៉ុង ស្ថិតនៅឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ប្រវែង15 000ម៉ែត្រនិងលូកាត់ផ្លូវ01កន្លែង ថវិកា រាជរដ្ឋាភិបាលនៅឆ្នាំ2021ដោយពុំទាន់ប្រគល់អោយឃុំនៅឡើយ។
ករណីរឿងផ្លូវនេះលោក ចាយ ម៉ោញ មេឃុំបារាំងធ្លាក់បានមានប្រសាសន៍ថាលោកពុំអនុញ្ញាតិអោយធ្វើអាជីកម្មនោះទេព្រោះផ្លូវកំពុងតែអភិវឌ្ឍន៍ហើយខ្លាចមានបញ្ហា តែក្រុមហ៊ុននោះនៅតែធ្វើ អីលូវនៅថ្ងៃទី17ខែវិច្ឆិកាឆ្នាំ2021នេះខ្ញុំបានអោយលោកមេប៉ុស្ដិទៅបិទហើយដើម្បីរកដំណោះស្រាយសិន ហើយលោកពេញចិត្តណាស់នៅក្រុមហ៊ុនណាដែលចុះមកធ្វើអាជីកម្មនិងអភិវឌ្ឍន៍ដល់ដែនដីរបស់លោក តែអោយគោរពតាមគោលការណ៍នៃច្បាប់ផង។
តាមប្រភពពីបងស្រីនឹងមេការបានអោយដឹងថាចំណែកគ្រឿងចក្រនេះគឺរបស់លោកម៉ាន់នៅបាត់ដំបងចំពោះមេការដែលជាគ្រប់គ្រងនៅទីនោះបានមានប្រសាសន៍តាមទូរស័ព្ទអោយក្រុមអ្នកយកព័ត៌មានយើងដឹងថាគ្រឿងចក្រលោកម៉ាន់នេះគឺចុះមកគាស់កាយយកដីក្រហមបម្រើទីផ្សារដើម្បីពង្រាប់ដីធ្វើសៃឡូ ហើយពុំទាន់មានអញ្ញាប័ណ្ណនោះទេតែកំពុងតែធ្វើ។
ប្រភពពីរមន្ត្រីរ៉ែនិងថាមពលខេត្តបាត់ដំបងបានអោយដឹងថាក្រុមហ៊ុនលោក ម៉ាន់នោះពុំមានច្បាប់ទេ
ចំណែកលោក សុង សុភ័ក្រ អភិបាល នៃគណៈអភិបាលស្រុកភ្នំព្រឹកបានមានប្រសាសន៍ថាលោកនឹងដាក់កម្លាំងចុះទៅត្រួតពិនិត្យសិន។
ហេតុនេះពលរដ្ឋនិងមហាជនសំណូពរដល់ឯកឧត្តម សុខ លូ អភិបាល នៃគណៈអភិបាលខេត្តមេត្តាជួយដាក់កម្លាំងចុះត្រួតពិនិត្យបន្ថែមដល់ក្រុមហ៊ុនលោក ម៉ាន់ ដែលគឃ្លើនឹងអាជ្ញាធរឃុំនោះផងទាន។
