ខេត្ដព្រៃវែង៖ កាសុីណូជ្រកក្រោមស្លាកយីហោ(CASINO HOTEL HERO 777)កំពុងបើកបើកដៃអោយពលរដ្ឋខ្មែរចូលលេងល្បែងសុីសងម៉ាសេរីដោយមិនញញើត អាជ្ញាធរសមត្ថកិច្ចពាក់ព័ន្ធ នៅក្នុងមូលដ្ឋានសោះឡើយ ដែលទីតាំង នៅភូមិកគោ ឃុំបន្ទាយចក្រី ស្រុកព្រះស្តេច ខេត្តព្រៃវែង។
ប្រភពពីប្រជាពលរដ្ឋលេីកឡេីងថា កាសុីណូយីហោ (CASINO HOTEL HERO 777) មួយនេះពួកគាត់ឃេីញមានតែពលរដ្ឋខ្មែរចូលលេងល្បែងរហូតពពាក់ពពួនគ្នាយ៉ាងគគ្រឹកគគ្រេងដោយមិនខ្លាចញញ្ញេីតអ្វីទាំងអស់ហាក់បីដូចប្រទេសមានច្បាប់អញ្ចឹង ។
ចំណែកអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានវិញមិនមានចំណាត់ការនោះទេ បែរជានាំគ្នាសម្ងំស្ងៀមទៅវិញ ។
ពលរដ្ឋបានលេីកឡេីងនិងខ្សឹបប្រាប់អ្នកសារព័ត៌មានយើងថា ពួកគាត់មានការព្រួយបារម្មណ៍អំពីសុវត្ថិភាពនិងសន្តិសុខនៅក្នុងមូលដ្ឋានរបស់ពួកគាត់ រស់នៅខ្លាចកេីតមាននូវអំពេី លួច.ឆក់.ប្លន់.និងការប្រើអំពេីហឹង្សាក្នុងគ្រួសារជាដេីម ព្រោះល្បែងសុីសងជាដេីមចម នៃបទល្មេីស ផ្សេងៗ ។ ពលរដ្ឋឆ្ងល់ថា ឯណាទៅភូមិឃុំមាន សុវត្ថិភាព ទាំង៧ចំណុចរាដ្ឋាភិបាលកម្ពុជា ដែលបានអោយមន្ត្រីក្រោមឱវាទអនុវត្តន៍នោះ ។
គួររំលឹកថា ស,ជ,ណ ដែលចេញដោយទីស្តីការគណៈរដ្ឋមន្ត្រីអនុញ្ញាតផ្តល់អាជ្ញាប័ណ្ណឲ្យបើកមជ្ឈមណ្ឌលកំសាន្ត ហើយពលរដ្ឋខ្មែរមិនត្រូវបានអនុញ្ញាតឲ្យចូលលេងល្បែងក្នុងកាស៊ីណូនោះឡើយ។
តែផ្ទុយទៅវិញកាស៊ីណូដែលមានយីហោ(CASINO HOTEL HERO 777)គៀងគរបណ្ដែតបណ្ដោយឱ្យពលរដ្ឋខ្មែរចូលលេងយ៉ាងក៏ព្រឹកគគ្រេងបែបនេះទៅវិញ ។
ទាក់ទិនករណីពលរដ្ឋខ្មែរចូលលេងល្បែងនៅក្នុង កាស៊ីណូយីហោ(CASINO HOTEL HERO 777)អង្គភាពផ្សារព័ត៌មានយើងមិនអាចសុំការបំភ្លឺពីអាជ្ញាធរនិងសមត្ថកិច្ចពាក់ព័ន្ធ ណាមួយបាននៅឡើយទេ ។
ពលរដ្ឋសូមសំណូមពរ ដល់ឯកឧត្តម ជាសុ មេធី អភិបាលខេត្តព្រៃវែង នឹងលោកឧត្តមសេនីយ៍ទោ ព្រំុ សន្ធរ ស្នងការដ្ឋាននគរបាលខេត្តព្រៃវែង សូមមេត្តាមានវិធានការចំពោះ កាសុីណូខាងលើផងទាន ព្រោះមានពលរដ្ឋខ្មែរចូលលេងល្បែងនៅក្នុងកាស៊ីណូខាងលើនេះយ៉ាងកុះករ ម្យ៉ាងវិញទៀតស្របតាមគោលនយោបាយភូមិឃុំសង្កាត់មានសុវត្ថិភាពទាំង ៧ ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃ បងប្អូនប្រពលរដ្ឋមានសង្ឃឹមជឿជាក់លើឯកឧត្តមអភិបាលខេត្តព្រៃវែងនិងលោកឧត្ដមសេនីយ៍ទោ ស្នងការខេត្ដព្រៃវែង លោកតែងតែដោះស្រាយរាល់បញ្ហាប្រឈមនានាជូនពលរដ្ឋកន្លងមក ពួកគាត់ សង្ឈឹមយ៉ាងមុតមាំលើលោកទាំងទ្វេនិងមានចំណាត់ការចំពោះករណីរដ្ឋខ្មែរចូលលេងល្បែងសុីសងក្នុងកាស៊ីណូយីហោ(CASINO HOTEL HERO 777)ទាំងនេះ ។
អង្គភាពសារព័ត៌មានយើងនឹងរង់ចាំធ្វើការផ្សាយជាបន្ត
បន្ទាប់ប្រសិនបើមានការពន្យល់ឬបកស្រាយពីរអជ្ញាធរនិងសមត្ថកិច្ចពាក់ព័ន្ធឬសមុីភាគីពាក់ពន្ធ័រៀងរាល់ម៉ោងធ្វើការ ៕
