ខេត្តបាត់ដំបង – ស្រុករតនៈមណ្ឌល ៖ នៅថ្ងៃទី14ខែកញ្ញាឆ្នាំ2024 បើយោងតាមប្រភពពីរពលរដ្ឋបានអោយដឹងតាមទូរស័ព្ទថាមានគ្រឿងចក្រចូលគាស់កាយដីថ្មភ្នំដឹកលក់យ៉ាងសេរីក្នុងភូមិអូរដាឃុំផ្លូវមាសស្រុករតនៈមណ្ឌលខេត្តបាត់ដំបងដល់ក្រុមអ្នកយកព័ត៌យើងអោយជួយនាំសារនឹងចុះមកជួយមើលតើអ្នកធ្វើអាជីវកម្មនោះស្របច្បាប់ឬទេ ? ។ភាពជាក់ស្ដែងក្រុមអ្នកយកព័ត៌មានយើងបានទៅដល់ឃើញថាមានគ្រឿងចក្រពិតមែននៅទីតាំងកន្លែងនោះប្រាកដមែន ដោយហេតុនេះក្រុមអ្នកយកព័ត៌មានខិតខំយករូបភាពនឹងដើម្បីនាំសាជូនដល់លោក គុយ វណ្ណូ អភិបាលស្រុករតនៈមណ្ឌលអោយជួយដាក់កម្លាំងចុះត្រួតពិនិត្យនៅគ្រឿងចក្រដែលចូលគាស់កាយដីថ្មភ្នំនោះ។តែទីបញ្ចប់លោក គុយ វណ្ណូ អភិបាលស្រុករតនៈមណ្ឌលគិចវេសមិនជួយទប់ស្កាត់ឆ្លើយថាទីតាំងនោះជាទឹកដីប៉ៃលិនទៅវិញហើយក៏បិទទូរស័ព្ទ។
ចំណែកលោក ស៊ិន ស៊ីធួន ប្រធានការិយាល័យរ៉ែនឹងថាមពលខេត្តបាត់ដំបងបានអោយក្រុមអ្នកយកព័ត៌មានយើងតាមទូរស័ព្ទថាលោកពុំដឹងនោះទេហើយងាយស្រួលជួយផ្ដល់ដំណឹងនេះទៅលោកអភិបាលស្រុកទៅដើម្បីអោយជួយទប់ស្កាត់បាន។
ទោះជាយ៉ាងណាក្ដីពលរដ្ឋស្នើសុំសំណូមពរដល់លោក គុយ វណ្ណូ អភិបាល នៃគណៈអភិបាលស្រុករតនៈមណ្ឌល មេត្តាជួយដាក់កម្លាំងជាកងឯកភាពស្រុកចុះត្រួតពិនិត្យនៅការធ្វើអាជីកម្ម កាយគាស់យកដីថ្មភ្នំលក់អោយរំលូនធ្វើអោយប៉ះពាល់យ៉ាងខ្លាំងខាតទាំងពន្ធរដ្ឋរលាយទាំងភ្នំទៀតផង។
