ថ្ងៃនេះ ពិតជាថ្ងៃដ៏មហោឡារិក អធិកអធម និងពោរពេញទៅដោយក្តីសោមនស្សរីករាយជាអនេកដែលឯក ឧត្តមនួន រតនះជាគណៈអភិបាលខេត្តបាត់ដំបង។ យើងទាំងអស់គ្នាបានមកជួបជុំប្រារព្វធ្វើមីទ្ទិញអបអរសាទរខួបអនុស្សាវរីយ៍ លើកទី41 ទិវាកំណើតរណសិរ្ស2ធ្នូ ជាប្រវត្តិសាស្ត្រ ដែលជាថ្ងៃចាប់បដិសន្ធិ នៃកំលាំងស្នេហាជាតិទូទាំងប្រទេស រួបរួមគ្នាធ្វើចលនាតស៊ូក្នុងគោលដៅរំដោះជាតិ មាតុភូមិ និងប្រជាជនកម្ពុជា ឲរស់រានមានជីវិតឡើងវិញ រួចផុតពីគ្រោះមហន្តរាយ និងការកាប់សម្លាប់ នៃរបបកម្ពុជាប្រជាធិបតេយ្យរបស់បនប្រលយ័ពូជសាសន៍ប៉ុលពត។
ឆ្លៀតក្នុងឱកាសដ៏ថ្លៃថ្លានេះ ទូលព្រះបង្គំ ខ្ញំព្រះករុណា ខ្ញុំ សូមសម្តែងនូវគារវភក្តីភាព និងកតញ្ញូតាធម៌ដ៏ជ្រាលជ្រៅបំផុតថ្វាយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ។
