-កាលពីថ្ងៃទី ១២ ខែ កុម្ភៈ ឆ្នាំ២០២០ តាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលលើនីតិវិធីពីលោក នួន សានព្រះរាជអាជ្ញាអមសាលាដំបូងខេត្តបាត់ដំបង ផងនោះលោក ឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទណ្ឌបានដឹកនាំកម្លាំងនគរបាលក្នុងផែនដែលមានលោកវរសេនីយ៍ទោ ឈឿង គឹមសុង នាយការិយាល័យនគរបាលព្រហ្មទណ្ឌកំរិតស្រាល រួមជាមួយកម្លាំង ក្រុមអន្តរាគមន៍បង្ការបង្ក្រាបធ្វេីការស្រាវជ្រាវករណីលួចមានស្ថានទម្ងន់ទោស ( កាច់សោលួចយកម៉ូតូ ) មួយករណី ដោយធ្វើការឃាត់ខ្លួនជនសង្ស័យចំនួន ០២នាក់៖
១-ឈ្មោះ ជា ឆេង ភេទប្រុស អាយុ ២៤ឆ្នាំ បច្ចុប្បន្នស្នាក់នៅបន្ទប់ជួល ភូមិរំចេក ០៣សង្កាត់រតនៈ ក្រុងបាត់ដំបង ខេត្តបាត់ដំបង ( ជាជនដៃដល់ធ្វើសកម្មភាពកាច់សោយកម៉ូតូ )
២-ឈ្មោះ ហេង សន្ថា ភេទប្រុស អាយុ ៣៩ ឆ្នាំមានទីលំនៅភូមិរំចេក ៤ សង្កាត់រតនៈ ក្រុងបាត់ដំបង ខេត្តបាត់ដំបង ( ជាអ្នកទទួលផល )
*វត្ថុតាងដកហូតបានរួមមាន ៖
- ម៉ូតូចំនួន ០២គ្រឿងម៉ាក zoomer x ដែលជនសង្ស័យធ្វើសកម្មភាពលួចបាន
- សោរាងអក្សរតេ សម្រាប់ធ្វើសកម្មភាពកាច់សោចំនួន០១
- តួណឺវីសចំនួន០១
- កូនសោសម្រាប់ដោះស្លាកលេខម៉ូតូចំនួន០១
- វីសសម្រាប់ចាប់ស្លាកលេខម៉ូតូចំនួន ០៤គ្រាប់
- ខ្ចៅសម្រាប់ចាប់ស្លាកលេខចំនួន ០៣គ្រាប់
- ខោជើងវែងពណ៌ខ្មៅចំនួនមួយដែលជនសង្ស័យស្លៀកធ្វើសកម្មភាពកាច់សោម៉ូតូ ។
តាមការស្រាវជ្រាវម៉ូតូទាំង០២គ្រឿងនេះជនសង័្សយខាងលេីបានធ្វេីសកម្មភាពកាច់សោលួចយកនៅក្នុងក្រុងបាត់ដំបងនាពេលថ្មីៗកន្លងទៅនេះ។
បច្ចុប្បន្នការិយាល័យជំនាញកំពុងក សាងសំណុំរឿងបញ្ជូនទៅសាលាដំ បូងខេត្តបាត់ដំបងដើម្បីចាត់ការតាមផ្លូវច្បាប់។
